影片
更多
2009-03-27
35 浏览
今日(22-3-2009)慶祝小兒一歲生日, 一行15人去呢個燒烤樂園慶祝,幾年前去過都覺得幾好,但係今次真係印象難忘.下晝三點鐘在入口集合, 齊人就一齊入場.15個人當中有2個長者及1個小朋友, 入場時果位姐姐問要開幾多個爐,由於有15人, 所要選擇開兩個, 12個大人 即 $78 x 12，三個長者及小朋友 即 $50 x 3 ，再加每個爐 $20 即 $20 x 2，總數俾 $1126。收左飲品券及單據，睇過單上面寫既人數同爐數無錯就行入去，有個哥哥仔帶住個爐指定我地坐邊度，我地坐低左後，發現只得一個爐，就即刻話俾果個哥哥知我地訂左兩個爐，仲俾埋張收據佢睇，個哥哥話我地只係訂得一個爐，我地梗係話唔係，仲拿住張單上指住個2字俾佢睇，佢都話唔係，仲好大聲咁呼喝我地，完全好似監獄風雲D阿sir大聲喝罵犯人做呢樣果樣咁，佢叫我自己返去入口問清楚，我問佢係唔係要呼喝我，張單都寫著2個爐，點解要我去問清楚，點解唔係你自己去攪清楚，佢即刻以大大聲鬧我: "癡X線 ，我叫你去入口問o下阿!"，我即時問佢做乜要講粗口，做乜要用粗口鬧我，佢即時再回多一句: "癡X線 "，我地所有人都俾佢激到暈，我無
下晝三點鐘在入口集合, 齊人就一齊入場.
15個人當中有2個長者及1個小朋友, 入場時果位姐姐問要開幾多個爐,由於有15人, 所要選擇開兩個, 12個大人 即 $78 x 12，三個長者及小朋友 即 $50 x 3 ，再加每個爐 $20 即 $20 x 2，總數俾 $1126。
收左飲品券及單據，睇過單上面寫既人數同爐數無錯就行入去，有個哥哥仔帶住個爐指定我地坐邊度，我地坐低左後，發現只得一個爐，就即刻話俾果個哥哥知我地訂左兩個爐，仲俾埋張收據佢睇，個哥哥話我地只係訂得一個爐，我地梗係話唔係，仲拿住張單上指住個2字俾佢睇，佢都話唔係，仲好大聲咁呼喝我地，完全好似監獄風雲D阿sir大聲喝罵犯人做呢樣果樣咁，佢叫我自己返去入口問清楚，我問佢係唔係要呼喝我，張單都寫著2個爐，點解要我去問清楚，點解唔係你自己去攪清楚，佢即刻以大大聲鬧我: "癡X線 ，我叫你去入口問o下阿!"，我即時問佢做乜要講粗口，做乜要用粗口鬧我，佢即時再回多一句: "癡X線 "，我地所有人都俾佢激到暈，我無奈地走去入口處問果位姐姐，
行到仲有唔夠十步就到既時候，突然有個人(好大佬款)打橫走出黎問我有乜事，我見都到入口，加上哥哥命令我去入口處攪清楚，我就無理佢，直接問門口個姐姐，個姐姐亦即時答我係訂左2個爐，我就同佢講做乜個哥哥仔堅持我只訂左一個，仲用粗口鬧我。呢個時候頭先打橫走出黎果位大佬一手搶左張單行左去，但係我仲同門口個姐姐講緊野，佢行左二十零步就停左o係度，大聲呼喝命令我:"你跟我黎!"，呢個完來仲惡，我就問返個姐姐做乜呢度D人都係呼呼喝喝既，果個惡人就即時再喝多句:你聽唔聽到，我叫你跟我黎!隨即轉身就走，無等我，我都幾無癮侷住跟佢返去，...........返到去只係叫個哥哥開多個爐，跟住就事但拿左兩盤食物放低就走左去。
我地咁多個人都呆晒，我有個朋友即時話我地唔知係唔係去錯左懲教所裡面。
我地乜野心情都無晒! D 阿sir 真係好惡!
张贴