影片
更多
2022-06-03
29 浏览
端午節前夕就請多一日假，自製四日連假。約朋友去遠啲，要食好嘢呀！呢間餐廳朋友推介咗好多次，見佢之前食過影出嚟嘅海鮮，只可以講句：震撼！！！好似海鮮檔咁多選擇。今晚全場滿座，好不熱鬧！先攞飲品，汽水、果汁、啤酒，連清酒同梅酒都有得任飲。最欣賞佢花茶都有十種，實在太有誠意！缸入面有啲生猛大頭蝦，會不時添加。 睇中咗就要眼明手快夾起佢，放入冰筒冰鎮住，之後放上爐燒。出面可以攞湯、糖水、熟食、炸物。 炸物嘅章魚小丸子、炸蟹鉗、薯絲蝦、榴槤炸彈都好好食，要試呀！海鮮有蠔、蜆、魚、扇貝、帶子、蟶子、花甲⋯⋯拳頭咁大嘅貴妃蚌全部超級新鮮，極鮮甜。店員全晚不停添加，絕無手軟，作為海鮮迷真係開心到顛！其他配料有唔同肉類同蔬菜等等，最鍾意係玉子燒、菠蘿同牛仔骨，必食之選！燒燒吓覺得有啲dry，諗到好方法，用錫紙盤裝啲上湯同清酒去煮，覺得鮮味更加出。食埋甜品杯、雪糕、雪條，瘋狂盡興嘅一晚。加埋一每人四百零蚊，自己買海鮮都唔得啦，超值！
今晚全場滿座，好不熱鬧！
先攞飲品，汽水、果汁、啤酒，連清酒同梅酒都有得任飲。
最欣賞佢花茶都有十種，實在太有誠意！
缸入面有啲生猛大頭蝦，會不時添加。 睇中咗就要眼明手快夾起佢，放入冰筒冰鎮住，之後放上爐燒。
出面可以攞湯、糖水、熟食、炸物。 炸物嘅章魚小丸子、炸蟹鉗、薯絲蝦、榴槤炸彈都好好食，要試呀！
海鮮有蠔、蜆、魚、扇貝、帶子、蟶子、花甲⋯⋯拳頭咁大嘅貴妃蚌全部超級新鮮，極鮮甜。店員全晚不停添加，絕無手軟，作為海鮮迷真係開心到顛！
其他配料有唔同肉類同蔬菜等等，最鍾意係玉子燒、菠蘿同牛仔骨，必食之選！
燒燒吓覺得有啲dry，諗到好方法，用錫紙盤裝啲上湯同清酒去煮，覺得鮮味更加出。
食埋甜品杯、雪糕、雪條，瘋狂盡興嘅一晚。
加埋一每人四百零蚊，自己買海鮮都唔得啦，超值！
张贴
