叫左4個甜品，d味道同口感加埋真係叫人有種衝動想喊。真係未食過咁q難食嘅甜品。
⇩4樣之中唯一可以勉強接受
蛋白發唔夠，唔緊要。
糖份落唔夠，都算啦。
問題係焗唔透d蛋白，入面濕立立，仲要係凍凍地…加上d 味好奇怪…真係無言⇩
呢個賣相係ok, 但用支羹片隻角就知又瀨嘢…
蛋白發唔夠同燒唔夠，同樣無落糖咁嘅味，無朱古力味，淨得面頭甘苦可可粉同入面普通朱古力雪糕…呢個唯一好食嘅就係果6粒棉花糖⇩
呢個叫3色木糠布甸(藍莓，芒果，仲有隻唔記得乜q)
呢舊野我相信高處掟落街都可以掟穿人個頭，硬到真係想叫聲媽呀，原因果3層嘢係雪糕。哦…雪糕，正常丫，有d人係鐘意食硬添啦。
sor x ry, 我真係比個名fake x左。
說好的布甸呢？⇩
@
雖然口味呢家嘢，見仁見智，但態度真係九流咁爽。
開頭黎左一個甜品，跟得一支羹，咁同緊幾位朋友一齊，梗係問麻煩比多兩支羹啦…轉個頭掟兩支羹落黎檯面。即刻呆左…
後尾張單，同樣…夾住隻木夾仔，從天而降著陸到檯面…
唔怕雷，就入挑機啦…
同樣價錢，好多間都好味過呢間…
