影片
更多
2017-10-04
497 浏览
朋友帶我黎到尖沙咀酒吧林立既赫德道食飯，原本唸住有live music 既酒吧甘chill,通常食物都普普通通，誰不知彌敦左岸令我地相當有驚喜。Earl Grey on Rock $98 (Gin)放工黎Happy Hour, 緊係要飲番杯，我揀既係Earl Grey On Rock, 有百爵茶味之餘，仲有香甜既肉桂味。除左個樣睇落有啲man 之外，其實好岩女仔飲。低溫慢煮三文魚藜麥香芒沙律 $138低溫慢煮變成熱潮，三文魚經過慢煮後變得軟滑。特別鐘意底下既藜麥，有咬口，而且有香芒汁特別清新。作為頭盤，適合不過。小食拼盤 $298超豐富既小食拼盤，食肉獸見到會好開心。澳洲和牛串有肉味得黎仲有肉汁，燒得剛好。德國腸好惹味。香蒜辣椒欖油煎虎蝦，十分特別，味道唔算突出，但蒜味同辣味會慢慢滲出黎。另外仲有法式焗田螺、炸雞鎚、脆炸軟殼蟹同巴馬火腿蜜瓜。黑松露野菌比薩 $148好多野菌同好濃松露味既Pizza! 芝士亦十分充足，配埋又薄又脆既批底，就算幾飽，我地最後都食哂佢。蟹肉蟹粉汁意大利粉伴海膽 $208呢個意份每日係限量發售既，入面有大量手拆蟹肉，每一啖都有濃郁蟹粉味，而且仲好creamy。
Earl Grey on Rock $98 (Gin)
放工黎Happy Hour, 緊係要飲番杯，我揀既係Earl Grey On Rock, 有百爵茶味之餘，仲有香甜既肉桂味。除左個樣睇落有啲man 之外，其實好岩女仔飲。
低溫慢煮三文魚藜麥香芒沙律 $138
低溫慢煮變成熱潮，三文魚經過慢煮後變得軟滑。
特別鐘意底下既藜麥，有咬口，而且有香芒汁特別清新。作為頭盤，適合不過。
小食拼盤 $298
超豐富既小食拼盤，食肉獸見到會好開心。澳洲和牛串有肉味得黎仲有肉汁，燒得剛好。
德國腸好惹味。
香蒜辣椒欖油煎虎蝦，十分特別，味道唔算突出，但蒜味同辣味會慢慢滲出黎。
另外仲有法式焗田螺、炸雞鎚、脆炸軟殼蟹
同巴馬火腿蜜瓜。
黑松露野菌比薩 $148
好多野菌同好濃松露味既Pizza! 芝士亦十分充足，配埋又薄又脆既批底，就算幾飽，我地最後都食哂佢。
蟹肉蟹粉汁意大利粉伴海膽 $208
呢個意份每日係限量發售既，入面有大量手拆蟹肉，每一啖都有濃郁蟹粉味，而且仲好creamy。放頂既係一塊完整又肥美既海膽，配上自家製意大利粉，係誠意之作。
低溫慢煮法國春雞伴薯條 $238
慢煮既春雞果然比較多肉汁，唔會乾。
春雞入面釀入西班牙辣肉腸同意大利白豆，味道好有層次。
特別鐘意伴碟既薯條，脆得黎唔會油，入面好粉好軟，忍唔住狂食。
法式蘋果批伴雲尼拿雪糕 $62
暖暖既蘋果批上放上雲尼拿雪糕，呢個配搭唔會輸。
綠茶拿破崙伴紅莓雪芭 $65
拿破崙中既綠茶比想象中濃郁，但餅皮略嫌唔夠鬆化。
紅莓雪芭微酸清新，口感幼滑，很不錯！
估唔到酒吧既甜品都可以甘精緻，覺得呢到既食物好一絲不苟，每樣都好有心機，好有層次。
仲要一讚呢到既樂隊非常有質素，又唱又彈又saxophone，好帶動到現場氣氛。
张贴
