LAB10 (已結業)

今晚想食得盡情啲，行完街就上嚟十樓嘅Lab 10食燒肉。可以揀單點或者放題，二百幾蚊放題選擇唔少，見枱枱都係食緊放題，一於跟。嘢食好快到，先嚟個大合照。熱情果梳打、蘋果梳打冰凍解渴，用嚟配燒肉啱晒。先食醃青瓜、醃蘿蔔、泡菜呢啲前菜開開胃。炸物我鍾意蝦多士，彈牙脆口又唔覺油膩。肉類每樣嗌咗少少，最吸引係安格斯牛板腱，大大片有雪花紋，而且牛味濃，都幾好食。牛舌就真係厚切，好有口感。另外海鮮都好唔錯，有廣島蠔、虎蝦魷魚、蜆。蜆係厚肉有鮮味，隻隻都開口，夠新鮮； 蠔就水潤飽滿，入面有埋新鮮檸檬，味道清新。最後食埋小甜品，燒棉花糖同布朗尼。 好飽呀！