新明發食家 (已結業)

今晚又買左外賣返屋企，新明發出名係盅頭排骨飯，但今晚想試吓北菇雞飯，想加粉果，但粉果要等，所以轉要燒賣。其實新明發自賣盅頭飯出名後，廣福里就多左幾間賣盅頭飯嘅店子，雖然其他價錢比此店略平，但始終係呢間最長人龍，因為真係最好味。盅頭飯係原盅生米蒸熟，吃到啖啖飯香，飯身剛剛好，不濕不硬，北菇雞，其實只有雞，我只食到一片北菇，但雞件夠滑，少一、兩件北菇亦冇損盅飯嘅味道；燒賣足料，做得出色，原來除左粉果外，另一出色點心！