維港灣餃子坊 (已結業)

自己都幾鍾意食餃子，呢一半都係，飽肚又唔熱氣，元朗都有不少食餃子既地方，呢間新開冇耐既餃子店人氣不少，望過價錢又唔算貴就試下先。餐廳內外店內設計以插畫風格為主，店舖唔算太大，但一經過門口已經見到店員包緊餃子，包保新鮮製。食物選擇除左餃子煎餃，亦有麵類、小食，正堂價錢定位。手撕雞 $38餐牌上冇既限定/新加款式，唔係以紅油做調味，但有用上蒜、炸菜等，食落入味帶少少辣，幾開胃。招牌四拼餃 $38分別係大白菜、韮菜、香菜、莞茜各兩隻。餃子飽滿，皮薄又唔易穿，內裡爆餡，招牌係韮菜餃子，香氣十足，另外既大白菜、香菜、莞茜材料都十足，每啖都有咬口，沾少許豉油更好味。餃子都會湯，是日例湯係野生山珍雞湯，好濃味，配餃子食亦得。煎流心芝士粟米鮮肉餃 $42試左湯餃緊係試埋煎餅，有6隻。呢款唔係拉芝果種，而係融左係入面，外層煎至金黃，好脆口，皮同樣夠薄身，芝士粟米鮮肉濃味唔算太膩，三者配合得幾好。銀菊露 $8標榜係自家製，估唔到真係好清新，好重菊花味，最重要係唔會似飲糖水，飲得岀自家製既健康味道。皮薄餡靚一定係好食既餃子必有條件，呢點呢到做比，餡料又夠多，價錢親民，必定會再嚟。