肥龍拉麵小籠飽上海料理 (已結業)

無諗過佐敦一個個小小既地方就已經開左好幾間上海菜，雖然我自己中意食生煎包多過小籠包，但係有生煎包賣既鋪頭都唔多。 見經過又唔多人就試下佢地個招牌小籠包。 午市有58蚊套餐包一個麵或者飯再加一個小食同野飲。 我揀左擔擔麵同小籠包4個。 之前食過擔擔麵係乾撈當時覺得好好食，但無奈香港既擔擔麵多數係湯麵，不過佢湯頭好香，有濃濃既花生香味。 連肉碎都好鮮，之前食過d肉碎係冇咩味得d調味料味咁。不過d花生就冇咁好食，可能放耐左有d淋同埋冇咩花生味反而有d放耐左個d味。 但麵就軟硬適中，唔會過淋都有d咬口。 到招牌小籠包，個皮就係好薄，但係都唔會好易穿流d汁出黎。d汁就咁試都有好香既上湯味，要整到皮薄已經唔易，個汁都好更加唔易，如果唔多人都可以一試。