影片
更多
2018-10-21
78 浏览
有冇人同我一樣係The Right Place既Fans🤡之前同男朋友係尖沙咀食過幾次，一直念念不忘，估唔到依家大埔都開左分店🎉於是趁假日去大埔放狗兼黎食好野。忌廉蘑菇湯(配餐+$0)香濃既蘑菇湯，入面有粒粒細碎既蘑菇，充滿蘑菇同忌廉香。蒜蓉包外脆內軟，蒜蓉味道突出🤤低燒慢煮西班牙黑毛豬五花腩伴芥茉籽蜜糖青蘋果($88)🍏超級肥美既黑毛豬五花腩，一半脂肪一半肉既比例。外層香脆，咬落去肉香滿溢，配上芥茉汁好惹味。一口肉，一口青蘋果，可減低膩感🤡🐖12小時低温慢煮烤乳豬件配椰菜仔及手指薯配芥茉籽蘋果燒汁🐖($228)超級有驚喜既一道菜！乳豬件外層卜卜脆，肉質軟稔，就咁食舊肉已經好香口，話係我人生入面食過最正既乳豬都絕不誇張😱不得不提既係個醬汁，澀澀地，味道好特別，大大提升味覺既享受。🐟香茅青檸辣椒香蒜烤焗市魚配泰式辣汁($188)🐟店員同我地講呢款係限定款式，因為佢地每個禮拜都會轉一次餐牌。 魚肉上菜時會用葉包住，由店員係我地面前切開～魚肉嫩滑，有一片片既檸檬同蒜蓉藏於魚肉中，醬汁係廚師自家製，酸辣醒胃，味道有層次，充滿泰式風情。食完辣野，配返杯Melon Mashup 🍉 就最夾。賣相係
有冇人同我一樣係The Right Place既Fans🤡之前同男朋友係尖沙咀食過幾次，一直念念不忘，估唔到依家大埔都開左分店🎉於是趁假日去大埔放狗兼黎食好野。
忌廉蘑菇湯(配餐+$0)
香濃既蘑菇湯，入面有粒粒細碎既蘑菇，充滿蘑菇同忌廉香。蒜蓉包外脆內軟，蒜蓉味道突出🤤
低燒慢煮西班牙黑毛豬五花腩伴芥茉籽蜜糖青蘋果($88)🍏
超級肥美既黑毛豬五花腩，一半脂肪一半肉既比例。外層香脆，咬落去肉香滿溢，配上芥茉汁好惹味。一口肉，一口青蘋果，可減低膩感🤡
🐖12小時低温慢煮烤乳豬件配椰菜仔及手指薯配芥茉籽蘋果燒汁🐖($228)
超級有驚喜既一道菜！乳豬件外層卜卜脆，肉質軟稔，就咁食舊肉已經好香口，話係我人生入面食過最正既乳豬都絕不誇張😱不得不提既係個醬汁，澀澀地，味道好特別，大大提升味覺既享受。
🐟香茅青檸辣椒香蒜烤焗市魚配泰式辣汁($188)🐟
店員同我地講呢款係限定款式，因為佢地每個禮拜都會轉一次餐牌。 魚肉上菜時會用葉包住，由店員係我地面前切開～
魚肉嫩滑，有一片片既檸檬同蒜蓉藏於魚肉中，醬汁係廚師自家製，酸辣醒胃，味道有層次，充滿泰式風情。
食完辣野，配返杯Melon Mashup 🍉 就最夾。賣相係好靚既橙紅色，仲有一串香甜既西瓜球，味道酸酸甜甜，開胃又解辣，十分推薦😻
Scream and Sour味道偏酸，冇乜特別。
-
從食物中感受到廚師既用心，味道同服務都不錯👍🏻推薦大家去試下🤤
张贴
