佢話屋企附近開左間Burger小店，
食過好好食，一定要帶我試試。
晚飯時間黎到Burger Begin，
位於紅磡蕪湖街58號金達閣地下，
生意好好，有好多街坊排緊外賣，
睇返餐牌，價錢非常親民，又多款揀~
排到我地既時候，老闆好熱情又好有耐心，
逐一介紹Menu上每款食物，
細心了解客人需要再推薦，好有HEART!
1
立食小店設吧枱，環境乾淨企理。
皇牌鵝肝漢堡
性價比極高，有鵝肝仲有牛肉漢堡扒!
包烘得微焦，入口香脆鬆軟，
鵝肝鮮美細膩帶油脂香，入口即化，
牛肉漢堡扒厚度十足，鮮嫩多汁，
配以半溶芝士、紫洋蔥、酸青瓜、沙律等菜，
整體好有層次好惹味，令人相當回味!
日式漢堡
醬汁用上Wasabi同洋蔥調製，
辛辣度偏溫和唔會攻鼻，好特別。
牛肉漢堡扒既肉同脂肪比例完美，
濃郁肉香，食落啖啖肉，肉汁飽滿!
炸雞配秘製辣沙律汁
金黃色外皮香酥脆口，
咬開肉質鮮嫩好juicy，
沾上秘製辣沙律汁勁惹味。
炸金文畢芝士
即叫即炸熱辣辣，
炸得酥脆，香濃芝士味，
口感軟滑，仲可以拉絲。
炸薯條
可以選配三款粉，
包括和風紫菜粉、蒜香辣辣粉、檸檬胡椒粉，
揀左比較大路既和風紫菜粉，
薯條酥脆可口，外脆內軟。
