新堡餐廳

营业中

休息中

新堡係類似金鳳嗰類港式西餐廳，午飯時間堂食係要100 per head 的。作為一個小職員，梗係外賣化算。新堡出名焗飯，皇牌一定係焗豬排飯，真係不二之選。佢外賣餐牌每星期都轉，但係外賣3號餐焗豬飯係永恆不變。焗豬飯連野飲都係 $43，喺灣仔係平民之選。佢焗飯用炒飯底，豬扒切件焗，嫩滑多汁又唔會焗過火，配料有洋蔥番茄，個汁又好食，食完又唔會口乾，好過大x樂個焗豬多多聲，方圓500米得順景茶餐廳既焗飯可以媲美。份量係足夠多的，OL胃口會食唔哂。另外，凍飲跟餐外賣唔使加錢，都係另一賣點。