樂天皇朝 (利舞臺廣場) (已搬遷) 新店位置

- 講到上海菜，當然唔可以唔提好有名氣既過江龍樂天皇朝啦！- 今次去到銅鑼灣分店，發現呢間分店好大間，裝修氣派，位置寬敞，食飯都食得舒適啲！- 今次當然要叫招牌8色小籠包啦，聽講每粒小籠包都係25g，足足有18摺，少啲功夫都唔得！味道方面，有8款，由濃至淡食，個人比較鍾意黑松露小籠包。而且粒粒湯汁飽滿，清甜不油膩，皮薄如紙，口感Q彈！- 另外，我地仲叫左上海炒飯。呢款炒飯粒粒分明，好有特色，蝦仁食落好爽，配搭中式醬油好夾。- 而鮮蝦豬肉抄手拌麵，足足有四粒，同樣皮薄餡靚，麵底彈牙，食落唔會太刺激。- 最後，仲叫左豆沙鍋餅，賣相好靚，一啲都唔油膩，而且豆沙甜度適中。而且超級脆身，食完想再食。- 甜品其實仲叫左桂花酒釀丸子🍡，呢款同外面好唔同，唔會太大酒味，好易入口，有淡淡桂花清香味同冰糖水好清爽。