有囍 (已結業)

今日心血來潮想去太子花墟買圓藝野，既然要行咁耐，咁食d野先去啦！ 比我係附近留意到間東南亞餐廳！入到去就叫左個冬陰功蝦場，有菇 蕃茄仔 香矛 兩隻大蝦 十分足料呢，個湯底夠濃味，酸而不太辣，香矛味令成個湯增色不少！兩隻大蝦十分爽口，正！星加坡巴牛肋條，個咖哩汁好香濃，牛肋條炆到十分軟淋，一入口好似熔化左咁，又夠入味 完全索哂d汁！麥皮蝦，一份有4隻大蝦，將d麥皮炒到脆卜卜，配埋新鮮爽口既大蝦，更有口感！ 夠哂惹味！最後再叫左個芒果蟹肉炒飯，芒果搭配蟹肉好夾，炒飯唔會油，仲係好乾身，味道夠唔會淡而無味，因為帶有芒果所以會有少少甜味 好味道！