牡丹咖啡

营业中

休息中

到左下午茶時間，想坐低嘆返杯咖啡，食件cake，呢度絕對係一個好好嘅選擇。雖然呢度唔算好大，但係都可以接受，坐落都幾舒服。呢度嘅咖啡有好多款，有來自好多唔同地方嘅咖啡豆，亦都有好多唔同味道嘅。仲有，呢度有好多特色蛋糕選擇，好多都喺出面未見過。今次叫左招牌咖啡、玫瑰咖啡同特濃雲石芝士蛋糕。招牌咖啡係用蘇門答臘、哥倫比亞、墨西哥3個地方嘅豆， 聞落好夠香，飲落夠味亦都唔苦澀，唔落糖都得，咁先可以飲到真正咖啡味道。而玫瑰咖啡就好重玫瑰花味，不過都仲可以飲到咖啡味。至於雲石芝士蛋糕係屬於硬身嘅芝士蛋糕，味濃，啱晒芝士愛好者，不過就比較細件。