名館 (黃埔天地) (已結業)

平時好少去到紅磡黃埔行街，今日同媽咪專程去行下海皮之外，仲喺附近瘋狂購物，經過一輪購物戰後，係時候搵地方坐低食嘢。由於我哋相約左幾位親戚一共八人一齊晚餐，老人家比較喜歡吃中菜，最後揀選了位於黃埔美食坊嘅名館。餐廳裝修豪華別緻，而且座位空間舒適闊落，我哋坐嘅大圓枱位置，仲有梳化位添。當中媽媽比較喜歡吃的幾款餸菜，一早已經點選了。最欣賞餐紙的食物分門別類，而且富有色彩繽紛嘅圖片參考，老一輩唔使戴眼鏡睇啲細細粒嘅字。先叫了一盅燉湯俾媽媽飲-姬松茸燉花膠，燉湯壺都幾大，相對湯嘅份量都比較多，可以兩個人share飲。湯味道非常鮮甜之外，入面嘅花膠份量都幾多，而且好林好黏口。我哋見呢款餸菜咁特別-自製菌皇醬蒸鐵棍淮山，就叫了一份試吓。驟眼睇以為係薯條，淮山表面鋪滿配料，包括蔥粒等，連埋啲醬料一齊食味道香濃之餘，淮山爽口入味。另外好味醬秋葵炒海螺片，遠處已經聞到香味，食落去秋葵有黏液，估唔到螺片都有秋葵味道，由於螺片係薄切，所以食落去容易咬口。還有叫了一些小菜飯類，食完之後非常飽肚。