影片
更多
2021-06-10
293 浏览
新野點少得我地😆😆。同一幢building 唔同入囗嘅，之前嚟呢度食韓國菜唔係呢個入囗，唔係搭呢部lift , 今次係搭寫字樓lift, 商廈有一層食肆有少少怪🤔。印度餐廳食過幾次，呢間係最靚嘅❣，而且加入咗少少港式同西式嘅元素，入到去裝修似西式，有bar 位，仲有outdoor 位👍，好chill嘅😍set lunch 好多選擇，唔係只得咖喱同印度薄餅，有pizza ,意粉……仲有素食menu🥦 ,真係百貨應百客，咩人都嚟食得。點咗個set lunch Kadal chicken HKD118, starter 要咗魚，魚係炸嘅 , 面有少少芝麻，啱啱炸起，魚唔會太乾。個飯份量好大嘅，最後食唔晒有take away, 少少辣，雞同平時印度菜一樣都係偏乾嘅。另一個要咗Sabz Meloni HKD88 , 即係菠菜蓉咖喱雜菜，我地揀咗配薄餅，starter 係cheese ball , 今次係同main course 一齊上，唔係分開，外型好似豆腐🤔，面仲有紅椒，咬落其實唔濃芝士味，熱辣辣嘅，呢個好值得試，因為真係從來無食過。主菜我以為有啲椰菜花，蘿蔔之類，因為平時食開都係咁，但主要係
同一幢building 唔同入囗嘅，之前嚟呢度食韓國菜唔係呢個入囗，唔係搭呢部lift , 今次係搭寫字樓lift, 商廈有一層食肆有少少怪🤔。
印度餐廳食過幾次，呢間係最靚嘅❣，而且加入咗少少港式同西式嘅元素，入到去裝修似西式，有bar 位，仲有outdoor 位👍，好chill嘅😍
set lunch 好多選擇，唔係只得咖喱同印度薄餅，有pizza ,意粉……仲有素食menu🥦 ,真係百貨應百客，咩人都嚟食得。
點咗個set lunch Kadal chicken HKD118, starter 要咗魚，魚係炸嘅 , 面有少少芝麻，啱啱炸起，魚唔會太乾。個飯份量好大嘅，最後食唔晒有take away, 少少辣，雞同平時印度菜一樣都係偏乾嘅。
另一個要咗Sabz Meloni HKD88 , 即係菠菜蓉咖喱雜菜，我地揀咗配薄餅，starter 係cheese ball , 今次係同main course 一齊上，唔係分開，外型好似豆腐🤔，面仲有紅椒，咬落其實唔濃芝士味，熱辣辣嘅，呢個好值得試，因為真係從來無食過。
主菜我以為有啲椰菜花，蘿蔔之類，因為平時食開都係咁，但主要係蓉，唔太見倒實體雜菜，味道有少少辣嘅，唔會有草青味，仲配兩個汁，咖喱嗰個對我嚟講有啲辣，薄餅新鮮整起，個邊微脆嘅👍。
set 餐飲竟然唔係印度奶昔😵，係配coffee or tea , mocha 同latte 都唔使加錢嘅，非常好👍，而且仲幾香，個奶泡都打得唔錯😌。
甜品個樣似雪葩，waiter 有解釋係咩但我真係唔太明，食倒嘅就係暖嘅，質感少少煙韌，本質無乜味，但用糖水浸住，所以食落會好甜，從來都無食過嘅dessert😅， 今日又長知識💪
张贴
