百芳池上便當 (大河道) (已搬遷) 新店位置

到而家我都係改唔到口，仲係叫Aeon做吉之島，喺荃灣吉之島裏面都好多嘢食，感覺似food court，初先見到百芳池上以為食日本嘢，望真啲原來係台灣菜。好，睇吓有咩好食先。百芳滷雞扒便當，便當係用來自台灣嘅木盒，雞扒係重量級，佔咗半份便當，咬落啖啖肉，抵食。台灣焢肉便當，焢肉食落柔軟軟腍仲帶點脂肪，每日仲有配菜三款+半隻滷水蛋，有肉有菜夠豐富。飲品叫咗黑糖珍珠鮮奶、黑糖冬瓜茶，隻杯好可愛，蓋面同杯身都有熊仔。