MAMTOM

一直以嚟我都覺得 Fusion 系會有gimmick，但唔一定會體驗到嗰個菜系最好嘅味道。傳統菜式完整咁樣呈現，亦都係一種傳承。所以我偏向於呢間餐廳有多種唔同系列嘅菜式，多於將菜式混埋一齊。呢間酒吧除左飲野，原來食物都好出色，佢個名系越南名，所以一定要試咗佢嘅越南菜式先。🍖生熟牛肉越南湯河，湯底有魚露就係必須，但係亦都飲得出佢既牛骨湯夠曬真材實料，裡面嘅生熟牛肉各有口感，最緊要系中間有個劈開咗嘅牛骨，骨髓軟滑香濃， 油而不膩，唔會heavy。配合埋個通菜，其實如果下午茶時間，呢種食法最啱。🍖仲有一個DIY米紙卷，出面嘅米紙卷其實都好好味，不過有時有啲材料，佢包好曬但係又未必人人啱。比如其實我唔係好鍾意食紅蘿蔔，但包好咗又好難揀翻出嚟。DIY嘅好處就係你想食乜，就自己包乜。而作為福建人，呢種有啲似食潤餅嘅感覺，食落就更加親切。🍖最後我哋叫咗一個ribeye牛扒，佢煎得好淋滑，叫咗medium rare，真係煎得啱啱好，而且上面有牛油，香草，仲有好多蒜粒，我夠膽講俾出邊好多牛扒店鋪做得好食。最重要係我可以將牛扒都夾入去米紙卷入面，成個口咁更加豐富。🍖最後就係個榴槤椰子雪糕，我個朋友系榴槤愛