影片
更多
2016-12-08
449 浏览
食左無限次陳根記同品香樓，今次完SEM 飯聚揀左食湘聚小廚考慮到食肉獸，食草獸，食辣獸，超級大食獸.....既感受，我地喊左6樣餸，3肉3素，非常好，大家難得係喊咩野食上達成一致，仲難過唔做Deadline fighter.先到既係酸辣葛根粉，望落去烏黑有光澤，用筷子挾有難度，要加埋匙更，雖然食辣獸表示唔係非常夠辣，但大家都表示辣度可以接受，而且葛根粉滑溜，口感冰涼，酸酸的幾開胃，大家既起筷速度明顯增加. 之後係一碟老干媽炒蛋，係食肉獸開始抗議之前，食草獸同超級大食獸已經起筷，估唔到老干媽醬同炒蛋配搭起來，味道都唔錯 (有幾可試過有辣味既炒蛋?)，雖然稍粗，但勝在份量十足，用來送飯都唔錯. 從食肉獸興奮既眼神，就知道農家小炒肉同鐵板孜然牛肉到左. 前者非常夠鑊氣，削得薄薄的豬肉片和青椒，紅椒，香蒽同炒，炒得油光鋥亮，入口甚香，滋味非常. 孜然牛肉以鐵板上，冒住嗞嗞既熱氣，賣相非常吸引，試左一塊，入口嫩滑焦香，孜然恰到好處，但辣味後勁好強. 大家食左一兩塊就開始轉戰小炒肉，但食辣獸表示非常滿意，最後佢清哂. 最後上枱既兩碟係酸辣土豆絲同爆炒小河蝦. 甘土豆絲就係食草獸既專利，大家就紛紛進
考慮到食肉獸，食草獸，食辣獸，超級大食獸.....既感受，我地喊左6樣餸，3肉3素，非常好，大家難得係喊咩野食上達成一致，仲難過唔做Deadline fighter.
先到既係酸辣葛根粉，望落去烏黑有光澤，用筷子挾有難度，要加埋匙更，雖然食辣獸表示唔係非常夠辣，但大家都表示辣度可以接受，而且葛根粉滑溜，口感冰涼，酸酸的幾開胃，大家既起筷速度明顯增加.
之後係一碟老干媽炒蛋，係食肉獸開始抗議之前，食草獸同超級大食獸已經起筷，估唔到老干媽醬同炒蛋配搭起來，味道都唔錯 (有幾可試過有辣味既炒蛋?)，雖然稍粗，但勝在份量十足，用來送飯都唔錯.
從食肉獸興奮既眼神，就知道農家小炒肉同鐵板孜然牛肉到左. 前者非常夠鑊氣，削得薄薄的豬肉片和青椒，紅椒，香蒽同炒，炒得油光鋥亮，入口甚香，滋味非常. 孜然牛肉以鐵板上，冒住嗞嗞既熱氣，賣相非常吸引，試左一塊，入口嫩滑焦香，孜然恰到好處，但辣味後勁好強. 大家食左一兩塊就開始轉戰小炒肉，但食辣獸表示非常滿意，最後佢清哂.
最後上枱既兩碟係酸辣土豆絲同爆炒小河蝦. 甘土豆絲就係食草獸既專利，大家就紛紛進攻小河蝦，入口只覺極香，焦香鬆脆，鮮辣惹味，用來撈飯幾好. 好快大家清完碟小河蝦同飯已經超飽，食草獸食左一半既土豆絲就由超級大食獸完成，是了，依條友其實喊左兩碗飯.
今餐各種獸都表示滿足，作為斯文人既我十分安慰.
张贴
