蓮香樓 (已易手) 新餐厅

朋友請吃晚飯, 去左蓮香樓, 我一直都想試但無機會, 果晚仲黑雨, 好鬼狼狽~ 今次主人家預先order叫左個百寶鴨-要預定, 因為限量發售, 但真係好好味, 隻鴨已經炆到好”諗”, 骨都可以食埋, 食落有點兒似好多瘦肉既裹蒸糉, 另外叫左炆斑頭腩- 本人平時唔多食呢樣野, 所以無乜點食, 七味牛仔骨- 好味, 牛仔骨好入味, 同埋好易食唔會韌, 粗齋煲-好香南乳味, 好正, 焗魚腸-正過我在大榮華食, 因為佢唔腥又好香, 煎鯪魚-呢味菜我唔知佢點將d魚肉變返條魚-朋友話街市有現成的賣-所以我唔知就咁煎定係師傅自已釀d魚肉入去, 但煎得好脆好好味, 最後付上甜品-海帶綠豆沙-正呀! 雖然係老字號, 但老伙計都好有禮貌, 仲介紹我地有什麼好食, 所以雖然裝修比較舊, 但唔會覺得唔舒服, 仲有種懷舊的感覺, 價錢亦非常合理, 我諗我會再去食~