野郎Stone (已結業)

今日同友人行過MOKO，成日覺得呢個商場咩都有但就係冇乜特別野食吸引我，點知行到入去一次第一件事就係被呢間撲鼻而來既牛扒店吸引左，決定去食下。食過其他分店既野郎stone，但呢家喺超市入面既就真係第一次，咁香冇理由唔試下既。我食左一個最細份量既150g牛板腱，而朋友就嗌個200g既肉眼板。師傅刀法好純熟，我地全程望住師傅整圍住師傅坐，個感覺好似去咗日本居酒屋咁，氣氛都唔錯。佢d肉有幾重牛味就唔需要多講，唔同部位只係唔同口感既分別，如果大家經過嘅話都值得去試吓！見到有d人都係坐低食塊扒就走，一路食佢一路嗌好味🤣！絕對係價錢合理服務質素亦都好好嘅一間細舖