御滿屋日本料理

营业中

休息中

有時想食日本嘢，諗唔到食邊間又唔想咁貴，我地都會選擇食放題。放題有海量選擇，可以盡情任飲任食，價錢又唔貴。每款可以叫少少唔洗一大碟，啱哂咩都想食嘅我！旺角嘅呢間御滿屋地點超方便，旺角站E出口一出就係！飲品方面，多款汽水，茶，啤酒，清酒，梅酒都有！頭盤就有凍海鮮，日式前菜，沙律同炸物。刺身同壽司都好新鮮，卷物一啖一粒，好好味！我地仲叫咗好多燒物，炸物同串燒！燒牛舌好彈牙，係我地嘅must encore item！比目魚燒得外皮香脆，肉質保持滑溜，都係必食嘅！羊架燒得香口又juicy，都係我嘅最愛。甜品除咗小杯杯，仲有一人一杯雪糕，雪糕可以揀Haagen Dazs，Movenpick同Dreyer’s。