因為這間的菜式同師傅手藝都唔錯,價錢又適中所以那連續幾年太座家的家庭飯聚都會幫襯佢, 那裡唯一的欠點可能係部長至下屬都係唔多識得"服務"這個詞語的服務員, 幾搞笑架, 做服務員但就係唔懂"服務"! 但酒家本家係賣食物為主的,只要價位唔變我地都無太去計較了, 可惜的是幾年前都係難逃執運, 唔清楚原因但就摺咗!
自己無意中去保安道街市買生果時行行下見到個酒樓名好似熟面口咁, 猛然醒起佢咪係當年紅磡灣中心嗰間酒家! $6/位茶, 星期六,日及假期午市 $15.80(小), $19.80 (中), $23.80 (大), $26.80 (特), $28.80(頂)
10月同11月都去過兩次, 點心質素唔差, 鴛鴦臘腸卷的飽皮鬆軟同有少少咬口嘅臘腸剛剛相輔相成, 韮黃原隻鮮腸粉(頂) $28.80 唔太貴, 但如果食南瓜流沙飽要注意有流心油會瀑出來小心燙咀! 炸的點心都係即叫即做, 脆皮燒腩仔$53唔算貴, 因為長長兩排, 皮脆且脂肪間住間住好咬口, 午市有優惠粉麵飯由$28 - $38起(但星期六,日及假期每款加$5), 有機會下次試下叫炒粉麵飯!
