相聚一刻 (已結業)

之前上網睇到呢間餐廳霓虹燈打卡幾靚就搵朋友黎試下，我叫左我最中意食既卡邦尼意粉，有驚喜地真係好味道，因為我成日都周圍食卡邦尼，如圖忌廉芝士醬汁非常足夠，啖啖意粉都十分濃郁奶滑，中意佢好多芝士熱溶左仲有拉芝效果，煙肉都有微煎過較香口，朋友則點左海鮮雜燴飯，魷魚、青口、蜆肉，中意佢飯粒煙韌有口感，但又唔會太硬身，證明廚師有經驗煮得啱啱好，夠creamy奶滑，前菜點左芥末香草羊架六成熟，羊架表面沾滿香草鹹鹹地，調味十足，中意既可以沾埋個燒汁，我個人幾喜歡個燒汁有啲甜味，配菜粗薯條炸得香脆可口，仲有六隻肥美鮮甜生蠔，隻隻都手掌咁長，酸茄汁酸酸甜甜，呢款生蠔味道較清甜，海水味較淡，配埋杯白酒夠曬chill，樓上仲有得扔鏢玩骰盅，一大班朋友黎聚腳吹水fit曬，又近地鐵站👍