NOC Coffee Co.

营业中

休息中

今日同朋友嚟呢度食lunch 款式都算几多。正餐，素食，甜品咩都有啲。 今日拣咗佢话特色之选牛油果toast 加蟹肉蛋白toast 牛油果酱好香，而且有少少柠檬汁。 本身面包应该搽咗少少醋嘅嘢所以酸酸地，非常开胃。而且佢有少少洋葱，食落去又有口感！ 而蟹肉蛋白，蟹肉都好多。蛋白味一般般唔系话好香，不过面包都算脆口！ 龙虾蒜片意粉龙虾肉弹牙，而且仲有虾膏！ 意粉系用蛋做嘅意粉，食落去好香。 蒜片同香料嘅味道令到个意粉汁好入味。 咖啡加梳打水佢唔系一般梳打水，佢个底有少少柠檬味，而且个底有少少甜甜地，中和左咖啡嘅苦涩，女仔应该几钟意。虽然写咗少甜，但系我个人认为都比较甜。可能因为平时饮开斋啡，或者纯咖啡加奶。 餐厅环境好舒服，好多位，最紧要系有大落地玻璃，望住出边海旁蓝天白云都几正。不过繁忙时间如果多人嘅话可能要搭枱。侍应嘅服务都好好，好留意我哋需要啲乜。