Holiday Cafe (已結業)

約左人未夠鐘，想搵個地方hea下，但上水除咗連鎖咖啡店好似無乜其他選擇。上網search下先，搵到Holiday Cafe，地點仲係上水匯附近，又近又易搵一於去呢度。呢條街都幾多野食喎，但西餐就得Holiday Cafe，哈哈😉店員告知午餐時段已經完左，而家可以叫下午茶或散點，睇下食咩先。叫左一份下午茶餐再加左份沙律，跟餐有餐飲送，就要左杯熱咖啡👍🥗煙三文魚牛油果羽衣甘藍沙律叫左份輕盈啲嘅沙律，個賣相幾靚，牛油果同三文魚都砌到花朵咁，沙律菜好多，大大盤勁滿足。🧇雜莓窩夫配雪糕之後就係品嚐呢度個窩夫，一入店已經聞到好香想食啦🤤窩夫分左四塊，勁厚身，外脆內軟，咬落好有牛油香同蛋香，高水準之作👍☕熱咖啡跟餐要了熱咖啡，見睇完成個餐牌都無drink list，諗住無乜得揀添，後來見隔離枱叫latte先知有🥲想要杯靚靚拉花嘅咖啡打卡呀…不過跟餐嘅普通咖啡都好好飲，啡香奶滑😋埋單個陣店員話like page有九折，抵喎，唔使加一仲有折。