農

营业中

休息中

肥雞得閒都會去科學園附近嘅單車徑解下餐廳，坦白講嗰度嘅食肆其實好少選擇，但係上星期肥仔發現咗一間新開嘅餐廳，佢係食新派中菜嘅 ，個名叫做農。入到去裝修都唔錯，佢嗰啲菜式名都幾新奇有趣，例如肥雞嗌咗個荔之趣脆 ，上到嚟竟然係一啲染咗紅色嘅脆嘅麵包糠包住蝦滑，雖然得三粒，但係每一粒嘅蝦膠分量好大，而且非常之彈牙，蝦味重，外型似到十足十一粒荔枝咁，玩味十足。佢嘅爆汁乳鴿真係好正，用咗好濃嘅滷水滷過，再用滾油炸到薄薄脆，食落去鴿香滿鼻，油水充足，真係好想再encore都嗌一隻。牛油果春捲， 估唔到兩者都可以match埋一齊,牛油果嘅軟淋， 配上春捲香脆可口皮， 健康又美味。炸芝麻綠茶湯圓， 有別於傳統嘅芝麻或者花生餡，糯香嘅糯米配上師畫嘅綠茶醬， 口感非常清新。趣緻造型嘅包點，唔止睇得，配埋濃滑嘅蓮蓉餡， 食慾大增。 呢一餐肥雞食得好開心， 佢嗰啲點心有別於傳統酒樓食嘅貨色，唔使買相一流， 味道都十分出眾。