食之劇場餐廳 (已結業)

前幾日同朋友去左西貢白沙灣食呢間高級日本菜。餐廳環境好靚，好似去左日本咁。我叫左$980嘅Set D 雲。首先食左幾款前菜先。磯粒貝好入味。蓮藕饅頭蓮藕蓉，軟滑得黎帶啲爽脆，上面有蟹肉汁。鮑魚用左昆布蒸，都幾特別。白子據說好養顏，食落好creamy。酸汁蕃茄係水果蕃茄，食落好清甜，仲有啲紫蘇汁嘅味道。之後就到幾款刺身。左口魚平目魚，包左啲燒過嘅魚邊，可以點酸汁食用。食落口感豐富，燒過嘅魚邊味道好香。八爪魚北海道小樽八爪魚嘅水爪配番茄蒜香汁。蕃茄蒜香汁好惹味。仲有兩件拖羅，其中一件係大拖羅，好肥美，係入口即融嘅感覺。之後就到燒物，係一條燒魚。配左酸汁蘿蔔蓉，有薑芽同蓮藕漬物。仲有啲海膽粉喺旁邊，可以用黎點魚食。呢個set仲有嘅蠔鍋。有三大隻蠔喺入面，食落鮮甜，仲有啲蔬菜同金菇。食完呢個鍋都飽。之後有魚湯飲，由多種魚熬成，再用慢火煲，保持住微滾咁樣煲三個鐘，飲落清清地但好重魚味。之後就到甜品，有好清甜嘅靜岡蜜瓜同埋滑嫩嘅京都豆乳pudding，食完甜品之後呢餐就完滿結束。順帶一提，呢到嘅水都已經可以睇得出餐廳嘅心思，不論係飲用水定係烹調用嘅水都係採用白神山地之水，飲落口感柔軟，更能帶出食物