影片
更多
2019-09-15
237 浏览
今晚黎到白布街穩好野食！路過既時候發現一間好神秘的特色日式餐廳，忍唔住入去窺探下！藍布既後面，會看見一整列吧檯設計，伴隨著開放式廚房的位置，客人可以看見師傅整個煮食同燒串燒既過程。店員介紹下，原來餐廳仲設有上一層，所以帶左我地上去參觀下。點知，上一層樓梯後，真係嘩然一聲，主要係呢盞月球燈吸引住，加上係以日式榻榻米設計，一邊飲住清酒彷彿真係去左日本一樣，即刻輕鬆曬。不過最後我地揀左坐樓下吧檯，因為可以一邊見到整個煮食過程外，仲可以聽師傅對美食既詳細解釋！前菜-冷豆腐前菜方面先黎一客冷豆腐，面層帶有小小薑蓉同蔥花仲有木耳，豆腐好綿滑，感受到濃厚大豆既味道。四點.刺身刺身方面排名不分先後：四目鯛，鯛魚，油甘魚和深海池魚！刺身方面，每樣都係廚師當天覺得係最新鮮既先會令出黎㗎，所以保證係食到靚貨！我既心水推介就會係四目鯛同深海池魚，雖然真係每一款都好好食，但可能今次係我第一次食四目鯛，層次感覺分明，魚肉質感已經感受到佢既挺身程度，充滿骨膠原，而且完全唔腥！炸物（魚柳伴酸汁）炸物出場，新鮮魚真係新鮮魚，特別與眾不同！即使做起炸物，一樣感受到濃厚魚味，而且炸既裹粉唔厚身，所以特別feel魚既鮮味，師
藍布既後面，會看見一整列吧檯設計，伴隨著開放式廚房的位置，客人可以看見師傅整個煮食同燒串燒既過程。店員介紹下，原來餐廳仲設有上一層，所以帶左我地上去參觀下。
點知，上一層樓梯後，真係嘩然一聲，主要係呢盞月球燈吸引住，加上係以日式榻榻米設計，一邊飲住清酒彷彿真係去左日本一樣，即刻輕鬆曬。不過最後我地揀左坐樓下吧檯，因為可以一邊見到整個煮食過程外，仲可以聽師傅對美食既詳細解釋！
前菜-冷豆腐
前菜方面先黎一客冷豆腐，面層帶有小小薑蓉同蔥花仲有木耳，豆腐好綿滑，感受到濃厚大豆既味道。
四點.刺身
刺身方面排名不分先後：四目鯛，鯛魚，油甘魚和深海池魚！刺身方面，每樣都係廚師當天覺得係最新鮮既先會令出黎㗎，所以保證係食到靚貨！我既心水推介就會係四目鯛同深海池魚，雖然真係每一款都好好食，但可能今次係我第一次食四目鯛，層次感覺分明，魚肉質感已經感受到佢既挺身程度，充滿骨膠原，而且完全唔腥！
炸物（魚柳伴酸汁）
炸物出場，新鮮魚真係新鮮魚，特別與眾不同！即使做起炸物，一樣感受到濃厚魚味，而且炸既裹粉唔厚身，所以特別feel魚既鮮味，師傅建議我地配合埋旁邊既酸汁食用，果然沾上酸汁後又係第二隻味道，十分配合！
味噌汁煮牛舌
呢個煮物同樣出色，個人來說本身好愛味噌汁，配合大大塊牛舌，蘿蔔，蔥花和豆腐粒，完全入味！另外面層加入少許七味粉調味，令味道更昇華！
中途忍唔住叫左支梅酒，配合煮物食！
金鯛甲鱗燒
右下角既燒物名堂可以感受到佢既霸氣！原條燒，香脆可口，同樣係配合酸汁食用。要注意呢個金鯛甲鱗燒有頗多小骨，食既時候要注意啦！
串燒：雞腎/雞翼/銀杏/雞胸軟骨/木耳秋葵/銀杏
終於到串燒出場！係六款串燒入面，我最愛係雞胸軟骨和秋葵！外面食既雞軟骨一般都係一小粒，而呢到揀既係雞胸軟骨，每隻雞得兩舊雞胸軟骨，呢到有6塊，所以其實已經食左三隻雞囉落肚啦！十分珍貴！另外秋葵，我都很欣賞，面層鋪滿木耳，而且秋葵燒到好香口，令人想繼續encore食！
甜品：水信玄餅
最後黎個日本特色甜品，沖繩黑糖水信玄餅！呢個水信玄餅非常Q彈，食落去既質感有小小似蒟蒻，配合黑糖，唔會好甜，但口感就真係一流，必食推介！
张贴
