發記甜品 (已結業)

俗語有話女人用第二個胃黎食甜品，加上我係一個貪心既女人，為咗可以滿足食傳統糖水之仔餘，又可以食到新派甜品，最後決定去發記覓食。🐻鮮士蟹啤梨窩夫配特製士多啤梨醬 $65窩夫份量十足，外脆內軟，口感紮實飽滿，配上特製既士多啤梨醬，酸酸甜甜，再加上雪糕，一凍一熱，口感豐富。🐻金粟紫米露芋圓 $38紫米露絕對係my favourite，甜度岩岩好又足料，芋頭煮得夠腍夠鬆化，至於八粒芋圓分別係地瓜、紫薯同香芋，全部口感都好煙韌。🐻金黃蕃薯糖水芋圓 $37天氣開始凍就想食返碗蕃薯糖水暖下身，三大嚿蕃薯八粒芋圓，再加上老薑煲成既糖水，熱辣辣又夠薑，用黎驅寒暖身一流。🐻原味梳乎厘班戟 $83落完單大約要等20分鐘，即叫即整。未放落枱離遠已經聞到香味，個梳乎厘勁鬆軟，入口濕潤軟滑，空氣感十足。