點知朋友話康怡間吉野家執左成世啦,變左間越南餐廳
正當我好灰既時候,朋友話既然一場黎到不如入去試下啦
餐廳改頭換面,完全想像唔到惜日吉野家既格局
午餐都幾多選擇,不過價錢就略貴
叫左個蕃茄蟹肉丸湯檬
呢個檬粉相當豐富,蕃茄湯底好濃郁,滲透住淡淡既蟹肉味
湯底濃而不過咸,札肉亦算爽口
蟹肉份量都幾多,但略嫌唔夠鮮,有啲鞋口
而肉丸就較為普通,亦冇爽口彈牙的質感
咖喱牛腩飯
咖喱好香,但唔辣既,岩哂啲唔食得辣既人
牛腩都算幾腍身,不過薯仔就得一舊少左啲囉
脆皮蝦卷湯檬
呢個湯檬就不及蕃茄咁好食,湯底偏咸,而且好普通
蝦卷都幾脆,入面都幾足料既
不過味道唔夠鮮甜,亦唔夠突出
小食就叫左香芒軟殼蟹米紙卷
米紙薄薄的一層,而芒果又幾甜,軟殼蟹非常脆身
作為小食都唔錯既
整體黎講,可能新開張既關係,店面情況比較混亂,上菜亦超級慢,幾番催促下先上到一樣野
而食物質素就中規中矩,但價錢就略貴
