魚鮮生刺身專門店 (已結業)

銅鑼灣登龍街出名多好嘢食，今次就試下呢間《魚鮮生》，呢間日式餐廳主打新鮮刺身壽司同丼飯，見午市套餐價錢幾親民就叫咗兩款再加啲小食✨照燒雞扒丼✨牛肉日本手打烏冬Lunch Set包埋麵鼓湯同魚刺身，估唔到份量咁多，雞扒大大件，牛肉份量又係海量咁多，肉唔會韌，手打烏冬幾彈牙😋✨蟹籽沙律爽脆嘅口感配上酸甜嘅沙律醬，好食到停唔到口😋🍣帶子刺身大粒鮮甜，肉質厚身嘅鰻魚，食落啖啖肉，而且肉嫩冇骨，咬落幾有膠質，而左口魚邊口感肥美又爽口，炙燒後甘甜魚油滲出，食落更覺濃郁甘香😌✨枝豆，燒茄子，炸雞軟骨我每次食日本野都一定叫枝豆🤣真係情意結😌，灑少少鹽已經好好食，燒茄子口感軟腍，外酥內脆嘅雞軟骨，即叫即炸，熱辣辣🔥巨鋒提子乳酸波子汽水