勝八居酒屋 (已結業)

銅鑼灣登龍街，是港島區一處重要且持別既飲食地帶，而在云云眾多既日式料理店中，隱身永光中心11樓既呢間居酒屋，一出門看到大大個水牌、暖簾、燈籠……已經感受到濃濃既和式氛圍。基於對大廚既信任，今餐就由他來發辦！ 今晚大廚細心安排味道由淡至濃，先來個清新勝八沙律，有拆絲蟹肉、蟹子、豆腐、芋絲、松子仁、車厘茄、野菜……拌酸汁，打開了沉睡既味蕾。 接著既係今餐亮點之一：八爪魚+飛魚刺身，前者分開白肉和吸盤，後者切成細條狀，自己動手將刺身、芥末醬放在紫菜塊上，包裹再蘸些八爪汁，成個送入口中……別一番日式風味。 之後上枱既清酒煮大蜆，果然名不虛傳，大大隻蜆肉肥美滑捊捊，”雪雪”聲啜入喉嚨伴埋清酒湯最滋味。 好嘞！我最期待既畫面出現啦！安格斯牛肉厚燒登場！燒至肉香四溢，軟韌適中，蒜片另上可加可唔加，我咁重口味就梗係落埋。一啖牛肉、一啖梅子果酒，爽呀！ 最後食埋是日甜品，雪糕雪米滋雙球，今餐大滿足架呢！大廚，謝謝款待！ごちそうさん