御名軒

营业中

休息中

很早之前就聽友人說這裡的冬瓜盅好得，趁假期就約埋友人一起去試下，一探其虛實。御名軒位置方便，地鐵天后站A出口就睇到，店內環境寬敞光猛，典型酒樓風格。坐低之後，第一時間緊係叫咗個八寶冬瓜盅啦，呢個八寶冬瓜盅果然夠巨，湯水清甜幾乎零油脂，啲瓜肉啖啖清甜滑溜，材料充足多樣化，肉類海鮮鮮甜味美，清香順滑嘅口感令人忍唔住飲多幾碗。茄汁海虎蝦係將虎蝦炸至外殼脆口，然後再淋上茄汁調味，海虎蝦隻隻4-5吋長，酸甜味道調教得啱啱好，彈牙滑口的蝦肉證明其頗為新鮮，酸甜嫩滑，值得一試。