日和号壽司料理 (已結業)

登上日和號去開mega box買傢私，順便係果度搵食。行過mega box竟然見到有嫁列車，立即登上 ....... 原來餐廳係以列車做主題，幾有心思，起碼好少會見到，夠特別。 食物係以日式為主，餐牌都有幾個: 晚餐，壽司，其他推介食物等等。 見佢仲有個新餐推介好似幾吸引。 雜錦海鮮沙律，非常大碟，係平時出面見到既double份量，而且唔係全部菜得幾粒刺身，佢刺身都好多下，有三文魚，吞拿魚，八爪魚。 相樸卷，雖然賣相係日式卷物，但係食落感覺又似韓國壽司，非常有咬口，而且中間炸物都幾香口。 雙重芝士海鮮火鍋燒，見到做緊promotion，一於試下。一個價錢可以食到火鍋同日式燒，非常吸引。店員拎左一個鍋嚟，中間部分係蕃茄濃湯，周圍就係燒鍋。 食物配料亦都係好吸引，燒肉海鮮都有，同時又有栗米，薯角同埋飯。呢三樣野嚟到我都覺得好似好奇怪咁，同呢個鍋好唔夾，其實唔係。因為佢提供左芝士碎同埋芝士醬，所以如果你係火鍋度煮就會煮到蕃茄栗米芝士飯，你係燒鍋度就會煮到芝士粟米炒飯。另外薯角就係可以整芝士薯角。 蕃茄粟米芝士飯既蕃茄味好濃，加左芝士去煮令到飯質更黏，原本既蕃茄湯更杰。至於芝士粟米炒飯，