新匯聚打冷小廚 (已結業)

約左三五知己晚飯，想食啲地道啲既菜，就不如去打冷啦，又唔想出到旺角咁遠，就近近地去返觀塘工業區果頭食。呢間新匯聚係正工廠大廈入面既地下，唔係老友帶我黎我都唔識黎，不過餐廳都幾光猛新淨，坐得都幾舒服。餐廳除左主打打冷，仲有一般酒樓食到的小炒海鮮等，都算多元化。餐廳既另一邊連甜品都有做，中西式都有。我地4個人叫左個滷水拼盤、口水雞、豉油王炒鵝腸及什菌浸勝瓜。滷水有正宗打冷風味，夠入味，墨魚片爽滑，豬耳脆口，豆腐嫩滑。口水雞係店員推薦的，話迎合左大眾口味，做得冇咁辣～果然係好惹味，值得一試！炒鵝腸都做得很出色，鵝腸爽脆又唔「un」，而家酒樓好難食到呢種鵝腸了！