牛川日本和牛專門店 (已結業)

今日出外銅鑼灣，和牛放題好抵食，同老公齊齊開爐燒烤都唔錯。環境都好和風，開揚，如果人多都有機會在廂房坐，夠曬空間跟朋友燒肉，傾計。A5日本和牛放題A5和牛拼盤有牛肩胛，牛小排，牛冧，後腰肉，等。成個扇形木梯排曬和牛各部份，分門別類，影相都好igable。食得出d和牛很有水準，入口即溶，重牛味，有啲多油花，有啲油脂分佈很均勻，肉色色澤嫩紅，而我最喜歡是牛肩胛，老公喜歡牛小排，各有所好。海鮮拼盤好吸引，鮮鮑魚，大蝦，生蠔，扇貝，連甲羅燒都有。海鮮新鮮又鮮甜。見到隔離枱仲有龍蝦刺身，原來夠四個人就有得送，好羨慕囉飛驒牛刺身必叫，食完一轉和牛，再叫多轉，質素一樣保持到甘高質。頭盤都係和牛，和牛美人玉子，薄薄一燒再沾滿蛋汁很滑溜，和牛沙律和牛都好多，仲有黑醋沙律菜中和肉食的油膩。仲有好多野食，我主攻燒牛，海鮮，任食類別都有好多熟食既。飲品任飲，雪糕有movenpick等