髀魔-雞髀第一店 (福民路) (已結業)

疫情搞到周圍都閂晒，壓力大到一個點，趁放假就入西貢郊遊一下！去開西貢嘅人，都知道西貢市中心，有一條美食街，裏面好多好嘢食，今次就試吓呢一個聞名已久脾魔😋黃金巨魔 ($43)雞髀嘅面積，大過我塊面！首先將雞髀生炸，然後再配上唔同嘅醬汁，我今次揀咗黃金鹹蛋黃，鹹蛋黃嘅香味，離遠已經聞到，咬落去仲要勁Juice，肉質嫩滑，食一隻都已經飽晒！不過由於雞髀係即叫即炸，所以等候嘅時間都比較長，而且好多人排隊，今次我就等咗20分鐘先有得食，如果趕時間嘅朋友，我諗就要早啲打電話去嗌定啦！