突然之間，有個食客食起煙上嚟，然後再有其他食客都食煙，都算，燒嘢食唔著衫嘅男人都叼住口煙。
再坐落去嘅30分鐘都唔覺個廚房有嘢出，係講緊包括其他比我地更早到嘅人都係無嘢食呆坐。我自問都有心理準備燒得耐，所以都有嗌炒腸粉、炸物諗住會快啲有啲嘢餸下酒。
然後我見隔離坐咗近一個鐘嘅食客慢慢陸續有第一樣嘢食，同上埋其他嘢食，我先醒覺呢度低能嘅廚房可能係無法multi tasking，要逐張單整，而佢地其中嘅羊架仲直情入面係生嘅🤐 個職員仲同食客講：唔好意思，時間關係🤣。 （痴線，加加埋埋超過個幾鐘都比生嘅食物食客）
最後我地等咗46分鐘，有隻一啲特別都無嘅燒雞髀上枱，然後再陷入另一輪嘅等待，於是我就浪費咗收工寶貴嘅時間喺度等咗個幾鐘，兩個人只食咗一隻垃圾雞髀，真係無法再等，食到十點幾都係得一隻雞髀。
