影片
更多
2022-10-18
81 浏览
呢間放題日式火鍋，已一早bookmark 咗。星期一撞手神喺5:30pm度試吓訂檯，訂6:30pm居然有位。準時去到未見太多人。個前檯服務員一見到我哋就問有冇訂檯、叫我哋揀湯底，我哋未試過呢種店，唔知佢做乜唔俾個客坐低先揀湯底，原來佢哋由一揀湯底就開始計2小時任食放題。我同朋友食嘢都好快手，亦冇諗過會食兩個鐘咁耐，所以叫服務員唔洗急，俾我哋坐低先。去到個位佢哋俾咗個靚位我哋，係拍埋牆最入，幾好。啲位迫迫地，但都okay。揀咗野菇湯底，好香湯味。跟著就用個App叫嘢食。好多選擇！我哋問服務員點計，佢話任揀menu入面嘢食，每位$400幾，我聽到覺得價錢好合理，仲要咁多款肉俾你揀，就即刻叫嘢食。之後服務員送上一個雀籠嘅物體🤣，我哋以為俾錯咗，猛話我哋冇叫呢個。點知原來係送嘅！上面有牛肉又有一啲丸，都好多份量。就係呢個，免費贈送佢張餐紙有教你唔同部位要用幾多分鐘淥熟，但我影唔到個鍋好多菇，香噴噴，啲湯好甜好多嘢飲，任飲，痴線嘅，仲有啤酒。我哋臨走時想買多一支外賣飲，服務員話送俾我哋飲，死都唔肯收錢。烚吓烚吓好好食其實我哋仲有叫烏冬、牛舌、日本雞蛋、好多唔同嘅牛，掛住食冇影到啲牛肥到出油，呢個
去到個位佢哋俾咗個靚位我哋，係拍埋牆最入，幾好。啲位迫迫地，但都okay。揀咗野菇湯底，好香湯味。跟著就用個App叫嘢食。好多選擇！我哋問服務員點計，佢話任揀menu入面嘢食，每位$400幾，我聽到覺得價錢好合理，仲要咁多款肉俾你揀，就即刻叫嘢食。
之後服務員送上一個雀籠嘅物體🤣，我哋以為俾錯咗，猛話我哋冇叫呢個。點知原來係送嘅！上面有牛肉又有一啲丸，都好多份量。
就係呢個，免費贈送
佢張餐紙有教你唔同部位要用幾多分鐘淥熟，但我影唔到
個鍋好多菇，香噴噴，啲湯好甜
好多嘢飲，任飲，痴線嘅，仲有啤酒。我哋臨走時想買多一支外賣飲，服務員話送俾我哋飲，死都唔肯收錢。
烚吓烚吓
好好食其實我哋仲有叫烏冬、牛舌、日本雞蛋、好多唔同嘅牛，掛住食冇影到
啲牛肥到出油，呢個係尾聲了
痴線仲有雪糕雪條任食
食到癲都唔洗$900蚊。
服務員非常非常好，佢哋又快手又細心，好好彩今日遇到呢間餐廳。我見隔離檯預早訂位，仲有海鮮送，係大大隻蜆及蝦，簡直係痴線。
张贴
