貓之茶房 (弼街)

营业中

休息中

疫情期間，店內停止飲嘢同食嘢。但係佢會俾少少零食你餵貓，同埋走嘅時候會俾返一個罐裝飲品你。其實去得貓Cafe都唔係為咗食嘢。所以就算冇得飲嘢同食嘢都無所謂。呢一間Cafe非常光猛，同埋乾淨。入面一啲異味都冇。職員會不停打掃清潔，所以想搵條貓毛飄浮都冇。陽光充足，影相一流。可能我去嘅時候早，冇咩人。環境清靜舒服乾淨。就算冇嘢食冇嘢飲，淨係玩貓，一個鐘頭好快過。我見到佢有啲桌上遊戲，但係玩貓已經好忙，完全對桌上遊戲冇興趣。最緊要係啲貓貓非常之好客，一有客人來，就會主動陪客人social. 任模唔嬲。不過當然係要溫柔摸貓貓。同埋唔好抱起啲貓貓玩。啲貓貓自然會走埋你身邊俾你摸。入邊有十幾隻貓，每一隻都好乾淨，唔會黐立立。隻隻都咁可愛，溫柔，嗲⋯真係唔捨得走