肉骨皇 (已結業)

好耐無去過大坑食飯，舊地重遊，景物依舊，人面全非。感覺四野無人，昔日既餐廳食肆繁華不再。今日約左朋友去大坑，行左去浣紗街入少少既位置，周圍都好靜。無得去旅行，突然好想食肉骨茶，所以去左肉骨皇，唔洗等位。兩個人，可以叫既食物唔多，太想食肉骨茶，毫不猶豫咁叫左一個細既。職員細心講解等滾起先食，更入味，但我已經等唔到，先食配菜油炸鬼。肉骨茶既份量都唔細，每人都有2至3 舊肉，配埋甜甜地既醬好好味。本身既肉骨茶都好濃，仲有冬菇、豆卜、支竹和杞子，食完都半飽。檳城炒貴刁我自己覺得炒出黎既外貌就差左少少，原來蝦都藏左係貴刁入面，但鑊氣十足。我自己覺得如果加D 腰果或花生之類，口感會更好。狂風掃落葉式食曬兩個餸，都幾滿足。寧靜既晚上，加上新加坡菜，想像自己到左異國。