影片
更多
2022-04-07
78 浏览
疫情嘅持續，令到各行各業尤其係飲食界大受打擊。 前排另一半生日， 就決定去食番餐午市放題。位於沙田嘅《大喜屋》係親民版嘅日式放題， 坐低之後， 當然係急不及待，點返一盤刺身先啦。先點一個前菜， 燒雞泡魚乾， 鹹香，微焦，佐酒一流。刺身方面即叫即整， 三文魚，帶子， 甜蝦，油甘魚等等。 每款都相當之新鮮， 令人意想不到嘅係竟然會有三文魚腩刺身， 食落甘香肥美， 入口即溶。 厚切嘅油甘魚刺身， 肉質厚實，味道甘甜。刺身落單至送上嘅枱嘅時間都算快， 建議可以分開幾次點， 保證刺身夠凍夠新鮮。食刺身嘅話個人就最鍾意配清酒， 呢一間放題有凍和熱兩款清酒選擇， 冷熱各有特色， 凍清酒帶出花香果香， 熱飲清酒酒味較濃郁，計我話，why not both? 之後就試均多款壽司， 最讚嘅係呢度每款壽司都細細嚿飯， 就算試齊所有口味， 都唔會太過飽。火炙鵝肝帶子壽司， 味道甘香。 火炙左口魚邊壽司， 油香十足， 油脂溶化嘅感覺令人相當滿足。 仲有黑松露蝦壽司，香氣四溢。講完壽司又介紹下其他熱食，燒牛舌夠曬騷味厚切牛舌肉質相當爽口，加埋少少檸檬汁同海鹽調味， 送酒一流。榴槤炸彈幾乎每次食放題都必點點嘅Ite
位於沙田嘅《大喜屋》係親民版嘅日式放題， 坐低之後， 當然係急不及待，點返一盤刺身先啦。
先點一個前菜， 燒雞泡魚乾， 鹹香，微焦，佐酒一流。
刺身方面即叫即整， 三文魚，帶子， 甜蝦，油甘魚等等。 每款都相當之新鮮， 令人意想不到嘅係竟然會有三文魚腩刺身， 食落甘香肥美， 入口即溶。 厚切嘅油甘魚刺身， 肉質厚實，味道甘甜。
刺身落單至送上嘅枱嘅時間都算快， 建議可以分開幾次點， 保證刺身夠凍夠新鮮。
食刺身嘅話個人就最鍾意配清酒， 呢一間放題有凍和熱兩款清酒選擇， 冷熱各有特色， 凍清酒帶出花香果香， 熱飲清酒酒味較濃郁，計我話，why not both?
之後就試均多款壽司， 最讚嘅係呢度每款壽司都細細嚿飯， 就算試齊所有口味， 都唔會太過飽。
火炙鵝肝帶子壽司， 味道甘香。 火炙左口魚邊壽司， 油香十足， 油脂溶化嘅感覺令人相當滿足。 仲有黑松露蝦壽司，香氣四溢。
講完壽司又介紹下其他熱食，燒牛舌夠曬騷味厚切牛舌肉質相當爽口，加埋少少檸檬汁同海鹽調味， 送酒一流。
榴槤炸彈幾乎每次食放題都必點點嘅Item， 外脆而且又軟熟嘅外皮， 包裹住榴槤流心， 一咬落去， 榴槤味爆發， 甜度適中， 一食真係可以食五六粒。
燒雞軟骨串， 粒粒爽口，點埋bb沙律醬， 簡直係無敵。
銀雪魚西京燒， 味道帶甜， 都有少少油香，但外皮煎得略嫌唔夠香脆， 如果可以煎到脆卜卜嘅話就近美滿。
最後就一定係食雪條雪糕作總結啦， 款式唔算太多， 但有我鍾意嘅脆皮magnum cookie and cream雪條。
兩個人一路食一路傾下計， 眨下眼就食咗兩個幾鐘，能夠滿足咁食一餐，在疫情下，實在是感恩。
张贴
