影片
更多
2008-07-27
27 浏览
幫襯過幾次都係飲 lunch 茶, 印象不錯, 但晚飯就真係未試過, 除0左因為自己地頭實在太多水準潮州菜館, 亦因為對大集團酒樓無乜好感 (當然, 例外係有的, 但一定唔包括稻香!)... 呢日一行 10 人0黎食生日晚飯, 由佢0地拍板叫0野食, (食送)菜並唔係 100% 潮州0野, 食完印象亦十分麻麻 -- 相信搞手選址呢度, 應該係貪價錢經濟, 及有個靚景?- 鹵水鵝片 (豆腐底): 鹵水汁聞落都幾香, 但食味淡淡的, 麻麻; 薄薄的鵝片一般入味, 肉幾嫩滑, 意料之外, 不過去皮唔去肥, 都唔知 lur 唔 lur d 肥出0黎好; 豆腐一般滑一般入味, 麻麻.- 鹵水豆腐: 呢個比墊鵝片底0個 d 滑身, 但更唔入味, 又係好麻麻.- 海蜇併牛(月展): 牛(月展)薄切, 食落爽脆, 帶鹵水味, 但味道好「現成」的感覺, 麻麻; 海蜇夠爽脆, 味道 ok -- 其實都好難會好難食吧?- 蠔仔餅: 叫「蠔仔煎蛋」比較貼切, 都唔知佢有無落薯粉的... 蠔仔 size 一般, 食落無乜味道, 好在條邊煎得幾脆口; 魚露鹹而不香, 唔掂.- 梅子排骨: 賣相係「咕嚕色
- 鹵水鵝片 (豆腐底): 鹵水汁聞落都幾香, 但食味淡淡的, 麻麻; 薄薄的鵝片一般入味, 肉幾嫩滑, 意料之外, 不過去皮唔去肥, 都唔知 lur 唔 lur d 肥出0黎好; 豆腐一般滑一般入味, 麻麻.
- 鹵水豆腐: 呢個比墊鵝片底0個 d 滑身, 但更唔入味, 又係好麻麻.
- 海蜇併牛(月展): 牛(月展)薄切, 食落爽脆, 帶鹵水味, 但味道好「現成」的感覺, 麻麻; 海蜇夠爽脆, 味道 ok -- 其實都好難會好難食吧?
- 蠔仔餅: 叫「蠔仔煎蛋」比較貼切, 都唔知佢有無落薯粉的... 蠔仔 size 一般, 食落無乜味道, 好在條邊煎得幾脆口; 魚露鹹而不香, 唔掂.
- 梅子排骨: 賣相係「咕嚕色水的上海黑醋骨」, 味道甜甜的, 不過真係食唔出「梅」味; 另外有一條條澀口的疑似川椒葉, 仲唔知點解有一堆罐頭菠蘿0係度, 都幾騎呢.
- 芋頭酥餅 (?): 食0左都唔知乜來的, 不過幾好食 -- 芋味夠香, 炸得酥脆, 仲有蝦米, 臘肉 etc 餡料, 好似食飲茶的芋角, 唔錯. 面頭大量川椒葉亦酥脆, 不錯.
- 方魚肉碎粥: 餡料 (肉碎, 方魚, 冬菇, 冬菜 etc) 好豐富, 聞落好香, 食落味道亦不錯. 係 d「水」鹹了少少.
- 炒花枝片荷蘭豆: 明顯唔係潮州菜色, 花枝片味如嚼蠟, 令人諗起大集團婚宴/團年飯的(食送)菜. 忍唔住打了個冷震!
- 火腿絲津白: 另一 non-潮州菜色, 但呢個味道反而 ok, 津白腍腍甜甜, 帶火腿的鹹香, 不錯.
- 鮑魚菇扒菜苗: 又一non-潮州菜色, 又係令人諗起大集團婚宴... 放過我好嗎?
- 川椒雞球: 雞肉係0鞋身的雞柳, 加埋得個鹹字的醬汁, 食落肉質同味道都唔似雞肉, 似豬肉片多 d, 都幾詭異; 川椒葉一般脆, 油溼溼, 唔好食. 另外不得不提, 呢碟0野完全唔夠熱, 溫溫吞吞俾人感覺好差.
- 炒飯: 應該係白菜 + 蛋炒飯? 有人話佢賣相靚, 我就不敢苟同了, d 飯係幾乾身, 但十分削, 黐埋一舊舊又腍腍的, 好似炒完用微波爐翻叮咁, 加上無味道, 好難吃0下. 好在有 d sok sok 聲的菜碎增添0下口感!
- 潮州炒河: 其實即「潮州炒魚麵唔要魚麵要河粉」, 味道淡出個鳥來 (尤其隻蝦, 完全無味的!), 食了兩啖決定唔食.
星期六雖然 好 x 多人, 幾迫又好 x 嘈, 但坐0係窗口旁有維港景睇, 環境叫做 ok 啦; 招呼好麻麻, 禮貌一般, 又慢又漏了兩碗白飯單, 不過既然係稻香, 都唔想再講咁多了.
埋單每人約 $95, 北京道一號 + 晚飯0黎講絕對唔貴, 但食物咁樣, 自己一定唔會幫襯. 不過既然呢日0黎食飯都只係為朋友聚舊, $95 當食環境吧.
P.S. 都係因為朋友們呢晚先仍然咁開心, 俾個 OK 面你啦.
张贴
