胡爐 (已結業)

哈囉喂🎃🎃 同老婆出街撐枱脚，今晚嚟到呢間新開張位於銅鑼灣百樂中心嘅 ''胡爐'' 打邊爐。🍲🍲一坐低先叫枝啤酒同老婆啤啤佢🍺🍺Singha啤酒大枝裝 $32  泰國啤，酒味夠濃易入口，打邊爐啱晒。跟住先嚟個 鮮椰青鷄鍋 $298個鷄鍋首先把椰子肉和鮮鷄件加酒灒香，然後再加上新鮮椰青水和預早餚好的鮮鷄湯大滾約5分鐘，跟住就可以飲湯和食鷄。個鮮鷄湯的確係好好味，清甜得嚟又好香椰子味，而鷄肉又好嫩滑，不俗。嘆完個鷄鍋之後就可以正式開始打邊爐，打邊爐又點可以唔食牛。飛驒和牛肉眼A5 $398/大 和牛脂肪比例分配好平均，渌幾秒就食得，wow......入口有點即溶的感覺，幾乎唔駛咬，入口咬幾下就已經完全溶化了，值得一試。招牌炸魚皮 $68 炸魚皮炸得好香口又唔油膩，薄薄地入口鬆化。稻庭烏冬 $48稻庭烏冬出名好食，口感滑溜，淥一淥吸收埋湯底的精華就更加好味。午餐肉 $58條狀厚切，口感一流，同烏冬一齊食絕對適合。蔬菜拼盤 $58/小 蔬菜新鮮又幼嫩，包括有蓎萵、油麥菜、唐生菜和中國生菜，打邊爐必選。總結，今晚呢餐食物質素好有水準，地方又舒適，坐得好舒服。