影片
更多
2016-12-04
1631 浏览
同一班中學舊同學食飯, 有人就提議要去食韓燒, 不過唔係咩新開既過江龍餐廳, 而係係香港開左幾十年既東大門。於是一行五人就決定去尋找味道既回憶。時隔多年, 一上到黎就發覺呢到既裝修已經完全唔同。昏暗、鐵網、韓國MV同音樂, 完全醒唔起佢係本地薑。食韓燒之前, 先要睇下有咩熟食。估唔到呢到竟然有湯, 仲要有四款甘多。冬陰功湯, 色澤濃厚, 不見底。人蔘湯係十分足料, 人蔘多到數唔到。炸物區有薯條、春卷、銀絲卷等等。估唔到仲有中式豬腳薑同港式咖哩魚蛋!其他熟食區既食物。雖然呢到係食韓燒既, 但都有越式香蘭葉雞肉及牛油雞翼。仲有泡菜區域。日式壽司都有。食物區附近有唔同飲品選擇。攞完唔同國家既熟食, 差點唔記得今日既主角, 係韓燒呀!隨韓燒附送的海鮮拼盤, 入面有蝦、扇貝同蜆仔。自己攞既熟食再加上燒肉, 已經完全覆蓋左我地張枱。除左任攞既熟食, 亦都有可以比錢追加既一啲食物。追加 - 芝士海鮮簿餅 $68口感煙韌, 入面布好多泡菜。唔辣, 食到咸香芝士味。追加 - 韓式炆牛肋骨煲(細) $88好快就比人清哂既炆牛肋骨, 肥瘦均稱, 肉質軟腍, 而且十分入味。追加 - 韓式石頭窩飯男生們話要追加
同一班中學舊同學食飯, 有人就提議要去食韓燒, 不過唔係咩新開既過江龍餐廳, 而係係香港開左幾十年既東大門。於是一行五人就決定去尋找味道既回憶。
時隔多年, 一上到黎就發覺呢到既裝修已經完全唔同。昏暗、鐵網、韓國MV同音樂, 完全醒唔起佢係本地薑。
食韓燒之前, 先要睇下有咩熟食。估唔到呢到竟然有湯, 仲要有四款甘多。
冬陰功湯, 色澤濃厚, 不見底。
人蔘湯係十分足料, 人蔘多到數唔到。
炸物區有薯條、春卷、銀絲卷等等。
估唔到仲有中式豬腳薑同港式咖哩魚蛋!
其他熟食區既食物。
雖然呢到係食韓燒既, 但都有越式香蘭葉雞肉及牛油雞翼。
仲有泡菜區域。
日式壽司都有。
食物區附近有唔同飲品選擇。
攞完唔同國家既熟食, 差點唔記得今日既主角, 係韓燒呀!隨韓燒附送的海鮮拼盤, 入面有蝦、扇貝同蜆仔。
自己攞既熟食再加上燒肉, 已經完全覆蓋左我地張枱。除左任攞既熟食, 亦都有可以比錢追加既一啲食物。
追加 - 芝士海鮮簿餅 $68口感煙韌, 入面布好多泡菜。
唔辣, 食到咸香芝士味。
追加 - 韓式炆牛肋骨煲(細) $88好快就比人清哂既炆牛肋骨, 肥瘦均稱, 肉質軟腍, 而且十分入味。
追加 - 韓式石頭窩飯男生們話要追加既石頭窩飯。
店員姐姐放低後就主動幫我地撈勻。一邊撈一邊聽到滋滋響, 再將醬汁倒入去,
等緊燒海鮮既時間, 就係時候食下我囉番黎既熟食。泡菜味道到位, 夠酸爽。
炸物略油, 不過雞翼好香牛油味。
最有驚喜係豬腳薑, 雞蛋炆得好入味, 充滿膠質。 而且入口甜得黎帶點醇。
冬陰功湯濃郁, 飲到湯頭係好濃厚既蕃茄味, 入面仲真係有大蝦。人蔘湯味甘, 友人一口氣飲左三碗, 好補身。
每人附送既海鮮入面, 我最鐘意既就係呢個蜆仔。睇落細細隻, 但入面既肉脹卜卜。
咬落充滿肉汁, 每粒都好鮮味。
牛肋骨同金菇肥牛卷都係我既菜, 不過燒肥牛卷時要不停反, 否則好易燶。
生菜好新鮮, 包肉食即刻減退油膩感。今次黎到東大門, 同中學時期既時候真係好大分別。
食物唔算係好出色, 但種類豐富, 好多食物都有驚喜。
张贴
