夢 (已結業)

朋友生日，同佢黎到中環呢間日本料理食飯。平時黎半山都係食西餐多，今次難得食日本野，水準好有驚喜，食物新鮮，有上次去沖繩魚市場既感覺，當然環境仲要好好多!一入到去已經見到師傅落力準備美食，睇師傅乾脆俐落咁切魚生都係一種視覺享受~叫咗三款刺身，鱆紅魚薄切配埋酸汁啫喱，味道鮮甜得黎又帶啲咸香，好特別；深海池魚肉身口感十足，味道鮮味可口；鯖魚肥而不膩，入口即時感受到佢既油香~朋友鍾意食海膽，叫咗呢個麵包蟹+海膽+三文魚籽+龍蝦汁既COMBO美饌，好味程度比刺身更加誇張，每一啖都有齊所有材料，入口先感受到三文魚籽既甜，跟住麵包蟹既甜味又比佢帶埋出黎，連甜味都有唔同層次，真係「嘩」出黎下次同多幾個朋友嚟希望可以一次過試更多正野啦~