Oak Tree Ristorante (已結業)

我唔覺得侍應當我係熟客，因為佢地唔識我亦唔知我點稱呼，但我呢兩年都幫襯了超過十次，由冇折到有折再到冇折，喜歡呢度，皆因地方靜局，而且有免費wifi，食物就穩穩陣陣。其中一樣頗有水準的就係呢度的磨菇湯，喂真係好磨菇，雖然口味都幾重，但口感好，味道亦好，餐包以前是大大隻那款，但好多時焗到過硬，近來轉了細包仔，唔錯。好多時主菜我會叫卡邦尼意粉，表面上食少些肉，實際比肉更肥，呢度煮的意粉有咬口，至於汁醬，唔知係咪離愁別緒影響，好似冇之前咁好味。