i kitchen (已結業)

本身諗住隨便一試，覺得都有小驚喜，所以都寫咗食評。今餐係鵝鴨相會😆😛見到有鵝肝就即刻嗌啦，鵝肝係矜貴嘢嚟㗎嘛。“香煎厚切鵝肝+牛肝菌意大利飯”$168，水準唔錯。鵝肝大大塊真係好抵。食落去入口即溶嘅感覺，鵝嘅香氣喺口腔入面久久不散。甘甜厚實嘅牛肝菌，加埋軟綿綿嘅飯，滿足。😛輪到鴨仔出場喇。“油封法國鴨髀伴煙肉煮白豆”$188驚喜之作。鴨髀夠大啖啖肉，鹹鹹地咁加埋煙肉就係鹹加鹹嘅配搭。雖然會鹹咗少少但係ok嘅，因為個白豆啱啱好蓋返呢種太鹹嘅感覺。如果白豆都好有質感，係啱啱好嘅軟度。如果黎開觀塘，呢間都可以係值得一試嘅餐廳，都推薦。