雞煲

营业中

休息中

生日飯想食雞,上Openrice見西環雞煲正,隔涉D都要試試.晚7點四行人先點雞煲中辣,原來係麻辣,配料甚多雞件也不少,色香味全,正.少少麻不太辣,點中辣剛剛好.唔似麻辣火鍋越食越麻直至失去味覺,此雞煲一讚.當日八點已聽廚房話冇雞煲啦,可話黎既定必食雞煲.吃完雞件,下湯火鍋,點手切牛肉冇(咁早冇貨).算,點貴十蚊既所謂手切頂牛,出黎係雪牛切片,切得又碎,滾完縮水,雖有牛味但冇口感,片片食不能,之後要幾片食先滿足到.可以話未試過叫手切牛出黎係雪片牛囉.墨魚滑,平!正!必吃(若火鍋),再點鱔片,黑毛豬(正確係腩片,頗肥),牛丸等.其他火鍋料新鮮,冇驚喜.黎食雞煲點小菜燉湯可以,食火鍋不見議,可取是普通火鍋料相應外面便宜.有下次,但一定唔火鍋手切牛條刺入左心